هوموفوبيا وطنية

هوموفوبيا وطنية – الجزء الأول – صالون الحلاقة

الزمان: الإثنين التاسع عشر من آذار 2012

المكان: صالون الحلاقة

الموضوع: شبيه مايا دياب الذي ظهر في برنامج للنشر مع طوني خليفة (فيديو هنا)

الحديث:

الحلاق: يا زلمي شفتو هيدا مبارح مع طوني خليفة، أيري بشكلو شو بيشبه مايا دياب

الزبون رقم 1(عشريني): ايه نافخ بزازو وشفافه …

الزبون رقم 2 (أربعيني، أب لولدين): الله ينجينا يا خييّ، كترانين كتير بالبلد، كيف ما تبرم بتلاقي واحد

الزبون رقم 1(عشريني): …وبيحكي متلا…قدّي دافع عمليات؟

الحلاق: ما شي يا زلمي مطول شعراته وعملون عند الحلاق…بس متل ما قال (الزبون رقم 2) كترانين كتير بالبلد، لازم يعملولن حلّة، ما بقى يصير هيك، مليانين…لازملن علاج نفسي,,,لازم يبعتو على المصح

الزبون رقم 2 (أربعيني، أب لولدين): لا مصح ولا مستشفى، جيبوا لعندي وأنا بقلك كيف بربّي، هيدا بدو كرباج وتنزل في تيقول أمان، غير هيك ما بترجعوا رجّال

الحلاق: ايه والله معك حقّ، هودي العلاج ما بينفع معهم، كرباج ونزال في سفق وخبيط، ليك قدي طلع منن ببرنامج أحمر بالخط العريض وجرّبوا يشفوهم ما صحّوا

الزبون رقم 1(عشريني): قولك عامل صدرو؟

الزبون رقم 2 (أربعيني، أب لولدين): نعيماً بابا (موجهاً الحديث لأبنه)

التعليق:

أولاً أزعجتني ذكوريتهم ، ورجوليتهم الزائفة التي يسعون لإثباتها من خلال عنف غير مبرّر تجاه شخص آخر له نمط حياته الخاص والذي لا يمّس بحرية ديوك صالون الحلاقة.

ثانياً لفتني وجود ولدين (أبناء الزبون الثاني في الصالون) في العاشرة والثانية عشر من العمر يصغون الى حديث الأب الذكوري البطل الذي سيمسك بكرباجه يوما ما ليضرب شبيه مايا دياب وربما قد يصل به الأمر لأن يضرب ويقتل أحدهما في حال كانت هويته الجنسية مغايرة عن ما يتمناه الوالد البطل

ثالثاً: لم أكن على علم بشبيه مايا دياب الذي ظهر على الشاشة في برنامج للنشر ولكن بعد البحث والتدقيق اكتشفت أن هذا الشخص وللأسف قد تعرّض لعنف وضرب  في منزله من قبل أقاربه بسبب إطلالته في برنامج (صار في يرتاح صاحب الكرباج ويوفّر كرباجو لمناسبة ثانية)

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s